15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Pdiang ka Cabinet ka sorkar jylla ya ka aiñ wow kam khon kiwa kreh sorkar kamjooh wow elaad ya kiwa e mi duna hei doh i pran

0 Comments
Advertisement ad1
Advertisement ad1
Advertisement ad1
Advertisement ad1

Shillong: Ka sorkar MUA-II ynne ka janmiet heipor wa pynman ya ka yalang wa kyrpang yong ka kawa tip leh kam ka Cabinet Meeting ynne ka sngi da pdiang ko ya ka Adoption Rules iwa mut kiwa kreh sorkar ye ki u kam khon (adopt) lada kwah ki wow ebor ya ki wow man ki kam ka bei namo u pa i khonboo namo khynnah.

U Montri Rangbah ka jylla u Dr. Mukul Sangma hawa yaklam wa kiwa pathai khubor hadien kani ka yalang da pyntip u lada em kam kini kiwa kreh sorkar ye ki u yoh chuti ar bnai.

Advertisement ad1
Advertisement ad1

“Ini waroh i kaam wow kam khon daw pynwandur ya i da ka Governing Adoption of Children 2015”, da ong u Dr. Mukul deiwa ong wa da em ki kyndon ya kiwa kreh sorkar kiwa kwah u kam khon wei wow ri u sumaar ya ki.

Ha ka yalang da rai leh wow pynku ya ka Quota da 2% cha kiwa yalehke Sports kiwa da wanrah naam ya ka jylla ha ki lympung nadooh ki Regional, ki National wa International Level. Ini mut i leh wa ka 2% u ebhah ya kiwa yakhun kreh ha ki kaam sorkar khamtam kitu kiwa da tyrchaaiñ chakhmat ha ki yakhun wa heh.

Hei yatoh won wa kiwa em i duna ha i doh i pran da bynta 4%, ya kiwa duna i bor chynna, i bor sñiaw wa kiwi kiwi yeiwa da pynku na ka 3% kamwa man nachwa.

Iwi i kaam iwa da yaklam toh chaphang i ebynta ya ki kreh sorkar cha ki bru kiwa ebhah ya i thaw yong ki cha ka sorkar iwa kynthup ya i thaw Raij, i thaw samen wa kiwi kiwi wow elaad ya ka sorkar wow pynkreh ko ya ki kaam pynroi deiwa e ya ki ya ki kaam hapoh i kyrdan Grade III wa IV wei yei thungkreh ha kam kini ki kaam toh u thung deiwa ya pdiang lang ki dkhot ka yung, ka kur namo ka raij waroh.

Ha kani ka yalang da pdiang ya ka Meghalaya Service Rules neibynta wow e mynsien ya ki hei wow pynku kyrdan ya ki ha kiwa phær waphær ki kyrdan.

Advertisement ad1

0 Comments

Leave a Reply