Jowai: Katkam ka yutip wa yoh na ki pulit da ong wa ha ka 9 tarik heipor kamwa 2:00 hadooh 4:00 waje i step da em ki damok wa khyndang ki ya ka yit kari na dien wei da tooh ki ya ki tape kari na ar tylli ki kari Maruti Car 800 wa ka wi ka Maruti Van na ki thaiñ Nartiang.
Kawi na kini ki kari toh wa em No. ML 05 J 8741 heiwa da looid ya ka jri wa ksoh ya ka yit (rubber channel) wei da tooh ya ka tape (Kenwood) wa chongdor T. 12,000.
Kawi won ka kari toh wa em u No. ML 05 F 0373 kawa man ka yong u pulit wa tip kam u Seibor Shylla da chah tooh ha i jooh i rukom heiwa da chah rah ka tape, 1 Bass Tube wa 2 tylli ki Speaker kiwa chongdor kamwa T.15,000.
Sa kawi won ka kari Maruti Van toh kawa em u No. ML 04 B 9828 ka yong ka Phira Phalyngki wei da chah tooh ka tape (Sony), Woofer wa Amplifier kiwa chongdor kamwa T. 21,000. Kani ka kari toh kawa pynyeiñ ha rood sarok.
Hei yatoh wa ini ki pulit ka Nartiang Police Station dang pynman ki yei takit.
Discussion about this post