Ki kaam pyrchah aiñ ha kylleiñ ka ri-loom Jaiñtia

Jowai: U Augustine Kyndait na ka chnong Moolamanoh da ujor u pyrchah ya u Smen Kyndait wa da dep ya pynbait u wa u Smen u kit u ya u mooyong yong u Augustine wa em ha Lalmati, Beltola nadooh ka 21-04-17 tangwa u Smen hadooh katni ym em su u ya poisa wa sah T. 57,92,754 wa mih na uni u mooyng.

Ha iwi tawon i jia u Pherly Dkhar na Iongkaluh da ujor u wa da dep thied paar mooyong u na ka Phyrnai Kyndait wa ka Rica Kyndait wei da sdang u leh wow pynkreh ya kani ka paar mooyong.

Hadien wa khang ka NGT u tih mooyong da dam u pynrkreh ka kani ka paar moo tangwa hadien 3 snem ka Phyrnai Kyndait wa ka Rica Kyndait da wan kam biang ki ya ini i thaw wei da dawa ki na u Pherly T. 20 Lak kam i dor mooyong wei da maham ki oo.

Ha ka 8 tarik heipor 2 waje i sngi ki pulit da kem ki ya ka wi ka Dumper Truck ka wym em number kawa yah da u Philmon Siangshai heipor wa dang thap mooyong ko na Lekilo, EJH iwa man pyrchah ya ka hukum ka NGT.

Related posts

Thooh ki pulit ya kiwa tooh na iwi i dukan

June 6, 2026

Chah slaitbor kawa dang 17 snem kawa kreh ha iwi i yung ha Shillong wei chah beh kreh leh ka bei ko

June 4, 2026

Ha Shillong won, u Amit Singhania da ujor u pyrchah ya u Rahul Kumar Singh hadien wa da mynjur u wow dai ya ki artylli ki LED TV hei dor T. 35,000 heiwa ya ka poisa da dep thap u ha ka Bank Account u Rahul.

Hadien ini u Rahul da tympleh u ka ka mobile phone u wei da block u oo u Amit na ka WhatsApp.