Lait jamin kiwa yahkhmat ka HYC na ka Meghalaya HC

Shillong: Ka Meghalaya High Court ynnin ka sngi da e jamin ko ya ki san ngut ki wa yahkhmat ka Hynniewtrep Youth Council (HYC) hadien wa chah khut ki ha ka yungbichaar hajrong wa chah pynbaad ki wa emkti ki wow tyngkheiñ aiñ deiwa pynman yalang ki heipor wa bichaar ya ka mukotduma u Adelbert Nongrum uwa klam pyrchah ya ka High Court heipor wa man u kam u CEM ka KHADC ha u snem 2015.

Ki wa yahkhmat ka HYC kiwa yoh jamin kynthup ki ya u Adviser, u Anthony Kharbuli, u Vice President, u Donboklang Kharlyngdoh, u General Secretary, u Robertjune Kharjahrin, u Organizing Secretary, u Nickson Dohling wa u Asst. Organising Secretary, u Isac Basawiamoit.

Ya kani ka bichaar wa da khlieh da u Chief Justice Dinesh Maheshwari man ko katkam ka kyrpaad yong ki wa da chah pyllait jamin deiwa soi ya ka kular ktien wa haap su T. 20,000  ha u Joint Registrar ka High Court.

Ka yungbichaar da ong ko wa i yoh jamin toh deiwa haap wan mih ki cha ka Kasari ha ki sngi wa chim bichaar biang khlem kiwon kiwon ki daw namo i pynthut.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U muktiar ka HYC, u K. Paul da pyntip u wa ka yungbichaar da booh sngi biang ko ya kani ka mukotduma ha ka 11 tarik Naikhynde.

Ya kini ki dkhot ka HYC da pynngat mukotduma ha ka Section 14 ka Contempt of Courts Act, 1971, wa katkam ka Article 215 ka riti synchaar ka ri India.