15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Lait jamin kiwa yahkhmat ka HYC na ka Meghalaya HC

0 Comments
Advertisement ad1
Advertisement ad1
Advertisement ad1

Shillong: Ka Meghalaya High Court ynnin ka sngi da e jamin ko ya ki san ngut ki wa yahkhmat ka Hynniewtrep Youth Council (HYC) hadien wa chah khut ki ha ka yungbichaar hajrong wa chah pynbaad ki wa emkti ki wow tyngkheiñ aiñ deiwa pynman yalang ki heipor wa bichaar ya ka mukotduma u Adelbert Nongrum uwa klam pyrchah ya ka High Court heipor wa man u kam u CEM ka KHADC ha u snem 2015.

Ki wa yahkhmat ka HYC kiwa yoh jamin kynthup ki ya u Adviser, u Anthony Kharbuli, u Vice President, u Donboklang Kharlyngdoh, u General Secretary, u Robertjune Kharjahrin, u Organizing Secretary, u Nickson Dohling wa u Asst. Organising Secretary, u Isac Basawiamoit.

Advertisement ad1

Ya kani ka bichaar wa da khlieh da u Chief Justice Dinesh Maheshwari man ko katkam ka kyrpaad yong ki wa da chah pyllait jamin deiwa soi ya ka kular ktien wa haap su T. 20,000  ha u Joint Registrar ka High Court.

Ka yungbichaar da ong ko wa i yoh jamin toh deiwa haap wan mih ki cha ka Kasari ha ki sngi wa chim bichaar biang khlem kiwon kiwon ki daw namo i pynthut.

U muktiar ka HYC, u K. Paul da pyntip u wa ka yungbichaar da booh sngi biang ko ya kani ka mukotduma ha ka 11 tarik Naikhynde.

Ya kini ki dkhot ka HYC da pynngat mukotduma ha ka Section 14 ka Contempt of Courts Act, 1971, wa katkam ka Article 215 ka riti synchaar ka ri India.

 

Share this:
Previous

Lai yachem ka KSU ya u SDO ka MeECL Khliehriat hei yatoh wa ki chrot light wa da pyut wa i ku bai bordiñ

Next

Da pynkrehkaam ya ka Section 144 CrPC ha Pynursla Civil Sub-Division pyrchah yei tih moo tih chyiap be-aiñ