Jowai: Iwa ye u man wa daw ktah yei kwah ka sorkar pyrdi wow pynkrehkaam ya u Aadhaar, ka Supreme Court ynne ka sngi da e ko ya ka rai heiyatoh wa ka mukotduma deiwa kyrchaan yei hok manbru samen yong u/ka (Right to Privacy) bru deiwa ong wa ini toh iwa da e da ka riti synchaar (Constitution) ka ri hapoh ka Article 21 cha waroh.
Kani ka mukotduma toh kawa mih hadien wa ka sorkar chim ko yei chon ki pariam kti ki pyllung khmat kam chibynta yow yoh Aadhaar ki paidbah uwa ka sorkar da sdang ong ko lada khlem u Aadhaar daw dooh ki ya kiwa boon ki myntoi wa toh u yoh na ka sorkar.
Neiliang kiwa e mukotduma da ong ki waroh ki hok samen yong wa chim ka sorkar kam ki chon pariam kti, ki pyllung khmat (Biometric Information) da booh ko hei ma ya ki paidbah neibhah ka sorkar ym ye ko u yada ya kini ki Biometric Information wei ha pyrthai wa katni na ki por cha ki por chah tooh kini ki jait ha ki Hacker wei ye u pynemkaam bakla ya ki.
Ya ka rai toh kawa chim da ki 9 ngut ki Judge kiwa da e jar jiar ki daw wow yada yei hok yong samen tangwa da mynjur lang ki wa i hok samen ym em ki bor sorkar wa ye u pynwit ya ki.
Da ong ki wa i stat sayan wa katni da ye ki bru u psiah cha poh yung ym toh kam nachwa deiwa haap li choh dwar wei ya kiwa chah ki tre u psiah leh ym ye ki u pynbor wow khana lut waroh i jait chaphang yong ki.
Waroh ini, kamwa sñiawthooh kiwa yaleh Aadhaar ye ki u kyntait u e ya ki Biometric Information yong ki wei ym em wa ye u pynbor ya ki.
Discussion about this post