Da sdang pynkrehkaam ya ka ERO NET wow pynsuk ya kiwa yaleh EPIC

Jowai: Ka District Election Office ka West Jaiñtia Hills ynne ka sngi da sdang ko ya ka ERO NET kawa man kawi na ki kaam wa da sdang da ka Election Commission of India ka wow yarap ym du ya ki wym pu em yoh EPIC kamjooh leh ya ki kwah u kyrriah ya ka Vote yong ki na ka wi ka Constituency cha ka wi.

U BJ Kharshandi, EAC da pyntip u kiwa kwah u yoh EPIC kattu ym emkaam de ki u lai cha ki yungkrehkaam sorkar wei deiwa pynemkaam ki ya ka website www.nvsp.in ye ki u pyndap ya ka form “online application” khlem haap upload ya kiwon kiwon ki kot ki sla wei hadien ini daw wan u BLO ha yung wow pyntikna yei rta, i thaw sah, ka sngi kha wa kiwi kiwi ki kot ki sla wa emkaam.

Kiwa yaleh yow yoh EPIC daw yoh ki ya ki SMS ha u phone number wa e ki yow tip ki heiwon wa da poi ka application kamjooh leh lada chah kyntait ki. Ya kiwa chah kyntait ye ki u lai yachem biang yow yasait wei wow pynsakhiat ya ki kot ki sla.

Ini waroh ym em mut i da khang u lai dei bru cha ka yungkrehkaam ka Election yow pyndap form kam nachwa wei ya ini kattu u tip kam ka “offline application.”

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ki daw wa sdang ya kani ka ERO NET toh yow pynsuk ya ki paidbah yow lait u sepai i por kamjooh ka poisa wei heijooh i por leh yow pyntikna wa ym yoh ki bru u em artylli ki EPIC.

Neiliang u DC u R. Rapthap da ong u ha kani ka juk “Digital Age” kawa da psiah awjan ha waroh ki liang ha i man ka sngi, ym toh u tieñ i ka neibhah da yarap ko u pynsuk ya i tangwa ye u thut kani ka kaam neidaw wa ym em yoh internet wa biang ha waroh ki thaw hanlada kattæ leh ye ki paidbah u lai cha ki CSC, ki Internet Café wa em cha jan ki yow leh ya ini waroh.