Hiar u Dr. Mukul Sangma da ka helicopter ha Mandalgre yow sdang ya ka Eco-Tourism Camp

Tura: Ka chnong Mandalgre wa em ha East Garo Hills hajan u pood ka Nokrek Biosphere Reserve ym slem de da yoh ko ya ka Eco-Tourism Camp hadien wa u Montri Ragbah ka jylla da wanbooh u ya u Mooyurim ynnin ka sngi yow chna pynmiat ya kani ka thaw. Da ong u wa daw chna leh ya ka sarok psiang nadooh na Chinabat hadooh Mandalgre.

Ka chnong Mandalgre em ko kamwa 700 tylli ki manyung wei man ko kawi na ki chnong wa rim dooh ha ki thaiñ Nokrek kawa da em nadooh chwa u wan ki phareng. Kani ka chnong pawnaam bha ko ya ki soh khontara wa mih na ka, i boon ki jait sim, i miat ki loom ki wah wei man leh i thaw wa duna i chit heiwa kiwa wan uiñke suk ki u lai kjat cha ki thaw wa jan.

Tangwa neidaw wym biang sarok, kani ka chnong ym ye ko u pynpoi ya ki mar rep yong ki cha ki yaaw ki hat tangwa deiwa em u sarok hadooh Chinabat daw suk ki u pynpoi ya ki mar cha Tura, Williamnagar wa kiwi kiwi. Ka Mandalgre man ko ka Polling Station wa khaddooh dooh hapoh ka Rongrenggre, ka Constituency ka montri ka tnat puræ puthi ka Deborah C. Marak kawa emlang leh ha kani ka sngi.

U Dr. Mukul da kular u leh wa ka sorkar u e ko waroh i yarap cha kani ka chnong yow ye ki u poi cha ka thong yow im ja ki na kani ka Eco-Tourism. Ha kani ka sngi da saam leh ya ki boontylli ki tre dieñ heiwa da phah ya kawi pa kawi ka mnyung wow thung ki 100 tylli ki tre dieñ khontara.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Kani ka sngi da man ko leh kawa sahkynmoo heiwa da wan hiar u Dr. Mukul da ka Helicopter ha kani ka chnong wei man u leh u Montri Rangbah wa nyngkong wa wan cha kani ka chnong.

Ha kani ka sngi da em leh u East Garo Hills Deputy Commissioner H.B.Marak, ki heh ka tnat PWD, ka tnat Tourism, ka tnat Agriculture and Horticulture departments na East wa West Garo Hills district.