August 29, 2017

Rahnaam ka Dakahi Kyndait ya ka KNGC ha ka NEHU Inter College Cross Country Run

Advertisement ad1

Shillong: Ka Dakahi Kyndait kawa na Mukhaialong kawa da wanrah naam ya ka ri-loom Jaiñtia ha ki yakop phet Marathon ym du hapoh ka district kamjooh leh hapoh ka ri, ha kani ka kynti da wanrah burom ko ya ka Kiang Nangbah Government College deiwa jop ko ya ka NEHU Inter College Cross Country Run wa pynman ynne ka sngi.

Ha kani ka yakop da wan chimbynta kiwa boon ki College ka jylla heiwa ka Dakahi da pynrem ko ya waroh deiwa yoh nyngkong ha kani ka phet marathon wa jrong 10 Km.

Ya kani ka marathon da pynman leh kam chibynta ka National Sports Day, ka sngi wa kynmoo warom ya u Major Dhyan Chand Singh.

Ka Dakahi da pyntip ko wa ha kini ki ar snem na chwa wa mih khmat ko ya ka KNGC ha kani ka joh ka yakop wei da yoh ko hei wa ar tangwa ha uni u snem da yoh ko yei naam jop.

Da e khublei ko leh ya u Sambor Rumut wa kiwa sikai wa kyrchaan ya ka wei da ini i jop ko da yoh ka KNGC 7 Point ha kani ka yakop Inter College.