Ka thaiñ mihsngi ye ko u sdang ya ka Green Revolution wa ar hapoh ka ri: Rajen Gohain

Shillong: U Union Minister of State for Agriculture and Farmer’s Welfare and Panchayat Raj u Parshottam Rupala da ong u wa da pyrchang ka sorkar pyrdi wow pynchlur ya ki warep da ka rukom wa tip kam ka Organic Farming kawa khlem pynemkaam sboh wa ki dawai siat khniang wa em dawai wa chna da u bru.

Da ong u ya ini kam chibynta ka thong wow wanrah ya ka ri India wa thymme namo ka Sankalp Se Siddhi wa pynman ha ICAR Research Complex, Umiam.

U Rupala da ong u wa emkaam wow pynbiang ya ki warep nadooh ki symbe wa bha, ki kor wa katkam ka juk wa katni, u pynpoi um cha ki thaw rep wa kiwi kiwi yow yohnong kiwa rep.

Da e nongmuna u ya ka jylla Sikkim wa hanlada da bood ki da ka Organic Farming ym em dooh nong ki.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

“Waroh ki jylla ka thaiñ mihsngi ye ki u sdang ya ka Organic Farming wei ka sorkar leh u pyntikna ko wow e yarap yeiwa emkaam ki.” Da ong u Ruplal.

Da ong u leh wa ki soh khontara, ka satrooiñ, ki syntu toh kiwa ye u pynmih chiboon ha kani ka jylla wei ka sorkar yaleh ko u pyntikna wa daw em ka yaaw ya ki.

Neiliang u Union Minister of State for Railways u Rajen Gohain wa emlang leh ha kani ka sngi da ong u wa ka Green Revolution wa ar u sdang ko na ka thaiñ North East lyngba ka Organic Farming. “Nga Ieh toh uwa na kani hi ka thaiñ wei sñiawthooh O yeiwa ye u pynmih neini nadooh ki soh, ki syntu, ki jait dieñ, ki dawai kynbat wei da sdang duna chwa i pynemkaam da ki sboh dawai ha kani ka thaiñ”.

Da ong leh wa ki moochynthut toh i duna ki sarok kamtæ ka sorkar da kwah ko wow pynbiang noh da ki luti rel yow lait na ini waroh.

U Parshottam Rupala da ekti u leh ya ka Power Tiller cha ki warep yong kawi ka SHG.