Jowai: U O.R. Shallam uwa da chongngiah kam u Associate Professor uwa jooh man leh u Head of Department ka History ha Kiang Nangbah Government College da pyntip wa da thung ya oo kam u dkhot ka National Monitoring Committee for Minorities Education (NMCME) ka wow neh 3 snem lynter.
Kani ka NMCME i kaam yong ka toh wow e buit ya ka sorkar pyrdi hei yatoh wa ka kaam puræ puthi yong ki khian paaid ka ri kamjooh leh wow pait ko ya i rukom krehkaam ki scheme wa pynmih ka Ministry of Human Resource Development Department of Higher Education Minority Cell.
Kiwi de ki dkhot toh ki montri ka tnat puræ puthi kam naka jylla Uttar Pradesh, Assam, Tamil Nadu, West Bengal wa kiwi kiwi.
Heijooh i por leh u Shallam da man u kam u dkhot ka Board of Management ka Tezpur University.
Discussion about this post