Phah hajir u DC ya ki le ngut hadien wa ujor pyrchah ki ya u WC ka Ummulong

Jowai: Hadien wa ujor pyrchah ki kattu katni ngut ki manbei manpa yong ka Ummulong pyrchah ya u Waheh Chnong yong ka u S.S. Langi ha u Dolloi ka Elaka Jowai wa u DC ka West Jaiñtia Hills ha kani ka 29 tarik, ynne ka sngi won u DC ka WJH da phah hajir u ya ki le ngut cha ka yung krehkaam yong oo.

Kini ki le ngut kynthup ki ya ka Bihmaipi Lamare/Iawris Lamare, ka Bida Phawa, wa u Samson Pariat, kiwa na Ummulong wei da chah ujor pyrchah ki ha ka P.L. Challam, ka B. Rymbai wa ka L. Nongrum.

Ya kani ka ujor da phah cha u DC ha ka 14 tarik uni u bnai heiwa da ong wa kiwa chah ujor da phah soi yabor ki ya ki paidbah neibynta ka kaam Election 2018.

Kini kiwa chah ujor da kyntait ki yeini iwa chah pynbaad ki wei da ong ki wa ki paidbah wa soi pyrtuid toh kiwa kwah u ujor pyrchah ya u Waheh Chnong ka Ummulong u S.S. Langi ya kawa da ujor ki leh ha u Dolloi ka Elaka Jowai u P. Kynjing ha kani ka 29 tarik.

Neiliang u DC, u R. Rapthap hawa yaklam wa kiwa pathai khubor da ong u wa da phah hajir ya kini ki le ngut toh hadien wa em ka ujor pyrchah ya ki wa phah soi pyrtuid ki ya ki paidbah hei yatoh wa ki kaam Election 2018 iwa man leh pyrchah ya ka aiñ.

Da pyntip u leh wa neiliang kiwa ujor wa u Waheh Chnong ym em u wan ki ynne ka sngi, heijooh i por da ong u wa daw pynsakhiat u na u Dolloi ka Elaka wa em namo ym em kam katæ ka chithi wa e ki wa da ujor pyrchah ki ya u S.S. Langi kam u Waheh Chnong ha oo (Dolloi).

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Ynne ka sngi ya kini kiwa chah ujor da synran da ki phaw ngut ki manbei manpa heipor wa lai hajir ki cha karma u DC heiwa da em leh u SP ka District u R. Muthu, u ADM, SC Laloo wa kiwi ki sahep.