Pteiñ ki kaam pyrchah ya ka hukum NGT ha EJH

Jowai: Ha ka 31 u Naisaphra heipor kamwa 11:40 i sngi ki pulit heipor li sylli ki ya ki thaiñ Sakhain wa Nongjri (EJH) da yoh kem ki ya 4 ngut u Sanjeev Das (22 snem), u Md. Abdul Koni (40 snem), u Thymmaibor Sympli (24 snem) wa u Sumon Bareh (40 snem), heipor wa dang tih mooyong ki pyrchah ya ka hukum ka NGT ha Nongjri, EJH.

Ha ka jooh ka sngi heipor 5:30 i step ki Pulit na Lumshnong AD Camp, EJH da kem ki ya ki ar tylli ki truck dumper wa em ya u number ML-04B-4934 wa yah da u Md. Raffique Uddin wa kawa em ya u number  ML-04-4057 wa yah da u Debojit Das kiwa kit mooyong pyrchah ya ka hukum ka NGT.

Na i bynta ka Lad Rymbai hadooh Umsatai, EJH ha ka jooh ka sngi heipor 2:40 ki pulit da kem ki ya ka truck wa em ya u number ML-11-1625 wa yah da u Chilson Nongtdu uwa kit mooyong be-aiñ ha Muiong Rymbai-Borkhat Road, EJH wa sa kawi ka truck ML-11-1626 kawa kit mooyong hi wa yah u Mapburom Langstang.

Ka wi ka truck na ini i jooh i thaw da kem ya ka heipor wa dang pynkit mooyong ha ka. Ka Truck toh kawa em ya u number ML-11-1804 wa yah u Iainehlang Ksih.

Related posts

Chi rta phah kset ya uwa na India uwa pynyap pyn ya ka bei ha UK

September 14, 2025

Chah ah khlieh uwa na India ha US hadien wa mih i kajia neidaw ka Washing Machine

September 12, 2025

Ha ka miet ka 30 tarik u Naisaphra heipor 2 waje i sngi ki pulit da chem ki ya kawi ka truck wa em number ML-10B-4353 kawa kylla ha Pyrtakuna, NH-44 (EJH). Ki pulit da chem ki wa kani ka truck toh kawa kit mooyong.