Waroh wa ye O u man katni toh du na kiwa sikai: R. Syngkon

Jowai: Ka sngi wa kyrpang kiwa sikai wa tip leh kam ka Teacher’s Day, ha Jowai ynne ka sngi da leh warom ya ka ha ka yalang wa chongchit wa chongkun wa pynman ha District Library Auditorium, Mynthong.

Ka D. Khongiong, Jt. Director School of Education & Literacy, West Jaiñtia Hills hei klam waiphang da ong ko wa kiwa sikai kheiñ ki kam ki khon ya ki khynnah wei e ki waroh wa ye ki neibynta ka mynried ki khynnah, kamtæ ynne ka sngi da man ko ka laad ya i wow pynyoo yei sñiawngooh ya ki.

U DM Wallang, ADM WJH uwa wan kam u symbood kongsan ong u oo toh uwa da dep pynkhreh wow man kam uwa sikai tangwa ka luti da yah ko ya oo chawi tangwa ya kiwa sikai emkaam u em yei thrang na mynsien u man kam kiwa sikai wei wow pyrchang u sñiawthooh ya ki khynnah wei lada yoo ki ya ki khynnah wa rap phær nadooh ka riam ka bait haap pyrkhat boi kini ki khynnah wa leh pyrchah wa em i thut ha ka yung ka sem yong ki wei emkaam u yaklam wa ki bar yow pynchitom ya ki.

U Robinus Syngkon, Parliamentary Secretary Incharge Horticulture wa Legal Metrological uwa man kam u kongsan ynne ka sngi da ong u wa waroh wa ye u man katni toh du na kiwa sikai ya oo kiwa dang kynmoo bait u hadooh katni kamtæ da pynchlur u ya kiwa sikai wei pteiñ ya ki kaam wa bha yong ki.

Related posts

Deilang ki Bumper Housie ar sngi u pynman kam chibynta ka Lucky Draw ka chnong Moopala

June 16, 2025

Khut ka One Step Up Jaintia Model wow chimbynta ha ka Model Audition wa daw pynman ha Jowai

June 16, 2025

Ha kani ka sngi da saam leh ya ki khusnaam cha kiwa sikai hapoh ka District cha u Sanha OO Lyngdoh, Headmaster Nangbah Govt UP School, u Richard Uriah, Principal North Liberty Hr Sec School, Rajendra Prasad, Assistant Teacher Shangpung Govt. UP School, ka Dawansngi Myrten Head Teacher Pohmusiang Govt LP School, Jowai.

Da saam leh ya ka Best District Scoutmaster & Guides Captain Award cha ka Morinda Myrphet ka Lady Scoutmaster ka Jingshai Mihngi Sec. School Jowai wa cha ka Siami Shylla ka Guides Captain ka jooh hi ka skur.

Da pynkut ya kani ka sngi da ki rwai ki chaad, ki lehke wa e sneiñ ya ki khynnah na ki skur waphær waphær na Jowai wei da em leh ki khynnah ka School ka Mother Elizabeth for Visually Impaired Children kiwa duna hei khmat kiwa de e i chaad kamjooh leh uwa sikai uwa man leh uwa thlah uwa da e yei rwai.