Shillong: U Montri ka tnat Health ka jylla Assam, u Dr. Himanta Biswa Sarma da kyntait u wa em iwon iwon i chah kyntait ki khynnah na Meghalaya ha ki thaw puræ doctor ha Assam deiwa ong leh wa ym em u yoh yutip u chaphang ini na ka sorkar Meghalaya heiyatoh wa ini.
Hawa yaklam wa uwa thoh khubor lyngba ka phone, u Himanta da ong u, “Ymtip O iyi iyi leh chaphang i chah kyntait ki khynnah puræ na Meghalaya ha ki Medical College ha Assam”.
Chooh chooh da ong u, “Ym em u yoh chithi O katwa em na ka sorkar Meghalaya wa em ini i iwa jia”.
Katkam wa ong u Himanta hei sakhiat ym em kam itæ wa chah pyndooh bhah ki khynnah puræ na Meghalaya ha ki medical college ha Assam deiwa kular leh wow thooh tre ya ini waroh.
“I pdiang sñiawbha i lada ka sorkar Meghalaya wan yaklam ko wow pynbait ya ini i eh i khoo” da ong uni u Montri.
Ynnin ka sngi 10 ngut ki khynnah na Meghalaya da pynbaad ki wa da chah kyntait admission ki ha Guwahati Medical College, ha Silchar Medical College wa ha Dibrugarh Medical College.
Kini ki khynnah da dep soi soskular (Bond) ki leh wa ka sorkar Meghalaya hadien wa chah jied ki wow lai puræ na i bhah ka sorkar tangwa da haap uiñ ki cha yung hadien wa chah kyntait ki.
Also Read: Ha kyndian synrang chong ka mynried kiwa lai puræ MBBS na ka jylla Meghalaya
Discussion about this post