Jowai: Hadien wa pynmih hukum ka Sorkar India ha ka 3 Naisaphra kamjooh ka Sorkar Jylla ha ka 10 Naisaphra yong uni u snem wa kiwa sikai ha ka kyrdan Elementary (LP&UP) ha ki skur Govt/Govt-Aided/Private toh u pyndep ki ya ka Diploma in Elementary Education (D.El.Ed) hapoh 31 Wisu (March) 2019 lym kamtæ daw chah beh kreh ki nadooh ka 1 Naitung (April) 2019, da booh ko hei eh ya kiwa sikai kiwa da pyndep chiboon ki chah sikai pynliah.
Da em kiwa sikai ha ka kyrdan Elementary (Class I haduh Class VIII) kiwa da pyndep ya ka chah hikai pynpliah kam ka Junior Teachers Training Certificate (JTTC), Diploma in Elementary Teacher Education (DIET), Basic Training Certificate (BTC) wa ka Diploma in Education (D.Ed).
Kini ki hukum da pynphylla ko ya kiwa sikai wa lada dang emkaam namo ym emkaam ki u pyndep ya ka D.El.Ed Training wa pyllai da ka NIOS wei i thap pyrtuid katni dang lai i chaaid chaaid ka wow kut ha ka 15 tarik uni u bnai.
Kamtæ wow yoh i che hajrong ini kiwa sikai da chim ki ya ka rai wow phah pynche na u T.G. Momin Director ka Directorate of Educational Research & Training (DERT) Shillong mynstep ka 11 tarik chirup wa kiwa kitkaam ka Meghalaya SSA School Association (MSSASA).
Kamtæ da kyrpad ya ki wa sikai SSA kiwa da pyndep ya ka Teachers Training Course JTTC, DIET, BTC wa D.Ed wow poi ki 11 waje i step ha yungkrehkaam ka Directorate of Educational Research & Training (DERT).
Read Also: Ki kyndon wa emkaam u tip kiwa sikai ki wympu pyndep ya ka D.El.Ed
Discussion about this post