• About Us
  • Contact Us
  • Privacy Policy
  • Advertise With Us
  • Terms & Conditions
Sunday, July 6, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Life

Sdang ka lehkmen Silver Jubilee ka Ummulong Presbyterian HSS

Wyrta Staff by Wyrta Staff
September 16, 2017
Reading Time: 6 mins read
A A
0
Share on FacebookShare on Twitter

Jowai: Ka Ummulong Presbyterian Higher Secondary School kawa man kawi na ki skur kawa da seiñ nadooh u snem 1992 da ka Balang Presbyterian Ummulong ryngkat wa i kyrchaan ki seiñ wa em hapoh ka Balang nadooh ka Jingiaseiñ Khynroo, Jingiaseiñ Kynthai hei wow pynmih poisa neibynta wow pyllai ya kani ka skur.

Hawa sdang da em ko 46 ngut ki khynnah wa ki 6 ngut kiwa sikai wei da lai luti ko ha pyrdi kiwa boon i eh i khoo kiwa chem ko hadooh katni wei ki khynnah leh da boon bha ki heiwa katni da em 448 ngut wa ki 20 ngut kiwa sikai.

Kamtea kani ka snem toh kawa pynsah kynmoo ya kani ka sngi wa da yoh ko u lehkmen yei lai luti yong ki cha i dap 25 snem ha kani ka 15 tarik uni u bnai hei phooh i phieñ.

Ha kani ka sngi u W. R. Lyngdoh, IAS Secretary to the government of Meghalaya Education Department da wan u kam u kongsan wei ka D. Khongiong Jt. Director, DSEL wa ka M. Pde District School Education Officer da man ki kam ki symbood kongsan. Ya kani ka yalang da pyllai da u Rev. N. S. Phawa uwa man u pastor ka Balang heiwa da yoh leh i puræ ya ka Bible da u Rev. R. Laloo uwa man u khynnah skur warim kani ka skur wei da yoh i klam pdiang burom na ka principal kani ka skur ka M. Shangpung.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Neiliang u kongsan da pynhær u ya ka lama Silver Jubilee yong kani ka sngi wei da pynbood yei rwai ya ka School Anthem hapoh i yahkhmat ki khynnah ka Higher Secondary ryngkat i chimbynta lang waroh ki khynnah skur.

Ha kani ka sngi da khana leh ya ka parom wa tbian yong ka skur da ka A. Myrboh kawa man kam kawa sikai warim yong ka skur.

U S.S Langi uwa man u Waheh Chnong ka Ummulong hei klam da pynsñiaw u yei mynsien wa kmen ya ka skur wa da dap ko 25 snem kawa e i chakri cha ki khynnah kani ka thaiñ. Da ong u wa kani ka skur kawa sdang du kam ka Upper Primary da ye ko wow poi cha ka Higher Secondary kamjoh leh da em ka College kawa man ka laad kawa pynsuk ya ka imlang sahlang.

Ka Khongiong kawa man ka symbood kongsan da pynkynmoo ko yei man duh i long ki yung ki sem khamtam ha Khasi Pnar wei kattæ leh ki bei ki pa man ki kiwa kit ya ka lyngkor wow psa ya ki khon kamjooh leh heiwa u phah puræ ya ki khon yong ki.

U W. R . Lyngdoh kam u kongsan hawa klam da yaroh u ya kiwa pyllai ya kani ka skur kamjooh ya ka Balang wa da kreh chitom ko wow pynpoi ya kani ka skur cha kani ka kyrdan wa ka naam wow khana ha khmat ka pyrthai wa lyngba chiboon i eh man ko ka skur kawa paw hapoh ka District. Da kyntu u ya kiwa sikai wa hanlada khian ka tulop toh u man ki kiwa e ya ka kti timun tidiang yong ki wow u e i stat iwa bha tam cha ki khynnah kiwa man ka mynried ka imlang sahlang. Da ong u leh wa emkaam bha ya kiwa sikai u dep ki ya ki training Kam ki D.El.Ed, BEd wa kiwi kiwi khnang wa katæ ka kreh yong ki u man ko kawa pliah.

Ha chwa wow kut ka yalang u Tbn. E. Lamare uwa man u Secretary yong ka School Managing Committee da e u ya ki kyntien khublei wei da yoh yei duwai kyrkhu kyrdoh na u Rev. E. S. Langstieh uwa man u Principal yong ka Ummulong Presbyterian College.

Ha kani ka sngi da pynkup burom leh ya kiwa da wanrah naam ya ka skur kam u Marbleson Shylla uwa man u Headmaster wa nyngkong kani ka skur uwa pyllai uwa wanrah ya ka skur ha i burom nadooh wa sdang.

Da pynkup burom Leh ia u Revincing Lamare uwa da baam kwai ha dwar u Blai uwa man u khynnah skur uwa nyngkong dooh uwa pyndep ya ka matriculation na kani ka skur.

Da pynkup burom leh ya u Dr. Heiplanmi Rymbai uwa man u khynnah skur uwa yoh nyngkong wei yoh Distinction nyngkong dooh na kani ka skur, ka Emidabiangki Lamare kawa man ka khynnah skur wa pynku ya kani ka skur ha ka liang ka sports wei da e sñiawbha cha ka Deimaphishisha During kawa man ka nongmuna cha ki khynnah skur wow yoh heh dooh ki marks ha ka SSLC Examination.

Khaddooh da pynkup burom ya ka M. Shangpung kawa man ka Principal heiwa ka da chakri ko 23 tylli ki snem wow sikai ha kani ka skur.

Hadien ini da pynchongchit ya ki paidbah da ka dhab tem na Jowai ka ” The Lynx”.

ShareTweetSendShare
Previous Post

Pynhaap pyrda u Sniawbhalang Dhar yaka Football Tournament ha Wahiajer

Next Post

Hadien wa su poisa ha Umtyra Weighbridge lait ka truck wa kit khyndawbilat khlem thaw khia

Related Posts

Life

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024
Life

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024
Life

Yoh ka Helen Giri ya ka Sangeet Natak Academy Award na ka President ka ri

March 8, 2024
Life

Chah jied kiwa na Ri-loom Jaiñtia wow klam hapoh ka National Youth Parliament Festival

February 28, 2024
Next Post

Hadien wa su poisa ha Umtyra Weighbridge lait ka truck wa kit khyndawbilat khlem thaw khia

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar