Jowai: Ka kaam jied MLA neibynta uni u snem wow wan da man ko kawa pynphylla wei pynlyngoh ya kiwa boon ki paidbah khamtam hei yatoh wa ki seiñ (Party) na ki wow yakhun ki khamtam ya ki ar MLA ka Congress kiwa da chah pynhiar chuki ha ka sorkar Jylla wa katni kiwa kynthup ya u Sniawbhalang Dhar wa u Prestone Tynsong.
Ini i yang ki paidbah kattu ym slem de i neibhah wa katkam ka yutip wa tikna wa yoh na ki kattu katni ngut kiwa kitkaam ka seiñ National Peoples’ Party (NPP) ki wym kwah u pynmih pyrtuid da khana ki wa u Gilbert Sten uwa jooh man leh kam u President ka Congress hapoh Jaiñtia Hills daw pynbna paidbah u wa daw yakhun u ha kani ka Election 2018 na ka seiñ mynstep ka 28 tarik ha ka yalang paidbah ha Sahsniang.
Heijooh i por da ong leh wa u Wailadminki Shylla uwa man leh u boo tre yong u MLA ka Nartiang u Sniawbhalang Dhar ha kini ki sngi wow wan daw psiah noh u cha ka Party wow yakhun na ka Jowai Constituency.
Ini i psiah kini ki ar ngut yoosar pynyoo i wa u Sniawbhalang Dhar wa u Ngaitlang Dhar kiwa man katni kam ki MLA ka Congress leh daw psiah noh ki cha ka NPP.
Chooh chooh da ong wa wa nalor kini kiwi ki MLA kiwa katni ye u psiah sa kattu katni ngut ki wow yakhun ha kani ka Election MLA 2018 na ka NPP, kiwa ye leh u kynthup ya u Prestone Tynsong wa kiwi kiwi.
Also Read: Yalam bakla u Gilbert Sten ya ki paidbah: WC ka thaiñ Mowkaiaw
Discussion about this post