Wa sih ware u surok NH-44 kyntu ka MDC ya ka Sorkar wow chna pynmiat

Jowai: Ka kong Bailet Lyngdoh MDC JHADC, kam ka nongmihkhmat kawa lai wa wan la jan man ka sngi lyngba uni u surokbah National High 44 na Khliehriat cha Jowai hawa yaklam wa ki nongthoh khubor da ong ko wa hei lai i wan yong ka da ong ko wa da ngiah u chong kari neidaw wa sih ware u surok NH-44 wei da dap sa du ki thlu aw jan waroh chi lynter nadooh na Jowai cha Khliehriat khamtam na Khliehriat chadooh Ratacherra-Malidor.

Ka kong Bailet da ong ko leh wa ha i por lyiur da ka um phum phum wei hei por tlang da i laphooh pum pum. Katwon tam ya ki bru paidbah wa lai wa wan, khamtam ki manbei, ki khonboo wa ki khynnah khian wa chem ki i eh u yada nei pum pum yow lait ki na i choh synrum wa i khaikyoh.

Chooh chooh ka kong Bailet da ong ko wa i sih uni u surok da poi cha u pood wa ym yahap de u khut ya oo kam u National Highway. Ki kari boon ki wa sih wei sahkut ki du neidaw uni u surok. Ki wa yah leh lut i por wa i bor du hei yait thlu donhi kamjooh sepai ki por yong ki bru wa beh ya ki kaam yong ki wa boon.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Hajrong ini waroh ka kong Bailet Lyngdoh MDC nei bynta ki paidbah da kyntu ko ya ka sorkar wow thooh lad thooh luti ki wow chna pynmiat smat ya uni u surok neibynta i bha wei suk ka lai ka wan ki bru hapoh ka ki distrik ka Jaintia Hills kamjooh leh ya ki bru na jngai ka distrik wa ka jylla wa pynmekaam ya uni u surok.