Shillong: U Union Minister Minister of State for Parliamentary Affairs, Water Resources, River Development and Ganga Rejuvenation u Arjun Ram Meghwal ynne ka sngi da wai u ya ka thong wa ong Sankalp Se Siddhi namo wow kreh neibynta wow wanrah yei kylla hapoh ka ri, da wai paidbah u ya ka yaaw wa san sngi wa tip kam ka Mega Exhibition Cum Seminar.
Ya kani ka yaaw da pynman da ka Ministry of Parliamentary Affairs, Directorate of Advertising & Visual Publicity (DAVP) waka Oil India Limited ha All Saints’ Hall, Shillong ynne ka sngi.
U Meghwal da ong u leh wa ka Sankalp Se Siddhi i thong yong ka toh wow wanrah yei synchaar khadar wa khooid hapoh san snem nadooh u snem 2017-2022.
Da ong u leh wa ri da kynjoh ko da boon tylli ki snem wei da ku ko liang wanang iwa da pynsarong ya kiwa boon lada hei puræ puthi i roi i paar, wa kiwi kiwi heiwa da klam u chaphang ki yaleh laitlooid ka ri yeiwa da sdang nadooh u snem 1857, heiwa da em bynta leh kiwa yahkhmat ka thaiñ kam u Kiang Nangbah, u Tirot Singh, wa kiwi kiwi.
Da pynsñiaw u leh yei mynsien wa kmen hadien wa ka Sankalp Se Siddhi kawa da sdang nadooh u 25 Naisaphra (August) 2017, heiwa ka Shillong man ko kawi na ki chnong wa man kam ka Nongbah ka Eastern Bengal wa ka thaiñ Assam wei katni ka Shillong man sakhiat ko kawa da ku chaphrang.
Ha kani ka yalang da em leh ki sahep na ka Ministry of the Parliamentary Affairs, Govt. of India, ka Oil India Limited wa ka Ministry of Information & Broadcasting, Govt. of India.
Discussion about this post