Shillong: Ka sorkar Meghalaya hei ya krehlang waka sorkar pyrdi deilang wa ka Sate Level Bankers Committee, Meghalaya da pynman ki ya yalang wow pynsñiawthooh paidbah chaphang ka ram MUDRA heiwa da emlang leh u Union Minister of State for Defence u Dr. Subhash Ramrao Bhamre kam u kongsan katwa u Meghalaya Taxation Minister, u Zenith M. Sangma da man u kam u symbood kongsan.
U kongsan u Dr. Subhash Ramrao Bhamre da ong u wa ka MUDRA waka Stand-Up India scheme daw pynkylla ko liang wanang ya ki khynroo khyllood ka ri. Da ong u wa u Montri Rangbahdooh ka ri u Narendra Modi ha ka 08-04-15 da sdang u ya ini deiwa ong wow yarap seiñ khih ya ki wym biang poisa deiwa wanrah ya ki bank wow krehlang ki wa kiwa da dep seiñ khih kamjooh kiwa kwah u seiñ khih deiwa pynsuk u yoh ram.
Da pynchlur u leh ya ki paidbah ka jylla wow pynduna u pynemkaam ya ka poisa kot wei wow pynemkaam da ki phone, ki Debit/Credit Card yow pynman ya ka jylla wa ka ri waroh kawi ka wym em de pynemkaam poisa kot.
U Zenith M. Sangma da pyntip u wa hapoh ka jylla em 36 tylli ki Bank wa krehkaam wei em ki waroh 395 tylli ki tnat heiwa kamwa 51% ki thaw nongkyndong em Bank ki katwa 20% em ATM ki.
Da ong u leh wa neidaw wa duna i sñiawthooh ki paidbah yei yarap wa ye ki u yoh na ki bank kam i yoh ram, da pynbor ko ya kiwa boon u chim poisa na ki bru paidbah kiwa boon hi leh ki wym ye u e poisa chiboon kamtæ ymye ki u pynheh ya i khih i khan yong ki.
Ha kani ka sngi da saam leh ya ki ram cha kiwa yohmyntoi na kani ka scheme.
Discussion about this post