Da pyllait ya ka kot ‘Angnood’ wa thoh da u Chaphrang Hiwot Passah

Jowai: Ynne ka sngi da pyllait ya ka kotlakdop (Booklet) kawa tip kam ka Angnood kawa da thoh da u Chaphrang Hiwot Passah uwa man leh kam uwa thoh khubor wa da boon snem kamjooh u President ka Jaiñtia Journalist Association heiwa ha kani ka kot da thoh u yeiwa thrang u wow em hapoh ka ri-loom Jaiñtia kiwa da sah da boon snem kiwa ye u wanrah ya ka roi ka paar.

Ya kani ka kotlakdop ka wow saam mynkna cha ki paidbah da wan pyllait da u M.M. Thaiang uwa man leh uwa thoh khubor wa da rangbah ha Jowai uwa da mynjur leh ya iwa thoh ha kani ka kotladkop heiwa emkaam ya ki thaw esikai namo ki Skill Development Institute ya ki khynroo khyllood yow ye ki u seiñ khih. Ki thaw pynkhooid ya ki jhep ki jakhlai chwa wow kooid ki cha ka wah Myntdu, u chimkti ka sorkar ya ka Khad-ar Dolloi Law College deiwa pynpsiah ka hapoh ka Deficit Scheme u pynmiat ya ki thaw uiñke suwari wa kiwi kiwi.

U Rev. H.H. Mohrmen hei klam yong oo da ong u wa ini waroh da toh u leh ka sorkar da slem wei da pynchlur u leh ya ki seiñbhalang wa kynthup ya ka JSU wa ka JYF wa emlang ha kani ka sngi wow boodien ki ya kini ki kaam.

U Chaphrang da pyntip u leh wa i thoh ya kani ka kotlakdop toh da em leh i thmu wow pynmih won saka Magazine wa e pyrtuid ka YES ka wow klam chaphang ki roi ka paar ka wow pait ya i duna i hapoh ka ri-loom Jaiñtia.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da pyntip u leh wa i yumut YES to Yow Emkaam hei Synchaar.