Dawa ka MPUF wow e waroh 100% ki chuki MLA cha ki tre chnong ka jylla

Jowai: Ka Election MLA kattu sah ko sadu kattu katni bnai, da yaklam hajrong ka phang wym pynkrehkaam ya ka aiñ Representation of People (Second Amendment) Act, 1987 wei wow bhah 100 na ka 100 ya ki chuki Member of Legislative Assembly cha ki tre chnong ka Meghalaya donhi.

Hei yatoh wa ini ka seiñ Meghalaya People United Front (MPUF) da dawa ko wow pynkrehkaam ya ka Reprentation of People (2nd Amendment), Act, 1987 ha ka dorkhat wa da e cha u Chief Election Officer (CEO) ka jylla ynne ka 17 tarik.

Hei yaklam wa kiwa pathai khubor ynne ka sngi u president ka MPUF, Dawanpoimi Laloo da kylli u yei daw wa chem chitom wow pynkrehkaam ya kani ka aiñ deiwa e nongmuna ya ki jylla Arunachal Pradesh, Mizoram heiwa da pynkrehkaam pura ya ka.

Da ong u wa i suki mynthi ka sorkar hajrong ini ka seiñ daw chah pynbor ko wow leh da kiwi ki kaam wa khor.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Laloo da kam u leh wa lada chimkhia ya kani ka phang daw man ko ka kaam kawa miat bha ha ki yalap election wa katni deiwa pynrap wa ha ri-loom Jaiñtia duna i yaleh ki baar jylla tangwa ka seiñ pait ko leh ya ka ri-loom Garo wa kiwi ki thaw ka jylla.

Neiliang u CEO won da ong u wa daw chong bichaar yeini wei daw phah ya ini cha u lat ka jylla.

Ka seiñ da kam ko leh ha ka dorkhat wa ya ka aiñ Representation of the People (Third Amendment) Act, 1987 da pdiang da ka Parliament wow bhah ya ki chuki neibynta ki Scheduled Tribe yeiwa da phah leh cha ka Election Commission.