15 49.0138 8.38624 1 0 4000 1 https://wyrta.com 300 0

Boon tylli ki Aadhaar Card wa neh ha Shillong GPO neidaw wym biang i thoh thaw sah

0 Comments
Advertisement ad1

Shillong: U Sr. Superintendent of Post Offices, Meghalaya Division da pyntip u wa em chiboon tylli ki Aadhaar Card kiwa neh ha Shillong GPO neidaw wym em thoh pura yei thaw sah yong ki bru kiwa mantre ya ki.

Da ong u wa neidaw wa man ki Aadhaar Card kiwa emkaam bha yong ki bru samen, ka Postal Department ymye ko u pynuiñ yaki cha ka tnat sorkar, neibhah wym biang kini ki thaw sah (address).

Advertisement ad1

Kiwa boon hi ki Aadhaar Card wa poi ha Shillong GPO toh ki wym em thoh pura ya ki thaw sah neibhah da thoh yei pyrtuid bru wei i thaw sah kam i Shillong, katwa kamtæ man i iwa eh bha ya uwa saam chithi (postman) wow saam yaki.

Ka Shillong GPO pait ko ya ka Dhankhetti, Lachumiere, Malki, Pine Mount, NCC, 29 Cantonment, Civil Hospital, Rhino, Pine Walk, Barik, IGP Point, Governor House, All India Radio Road, Bivar Road, M.C. Road, Bishop Cotton Road, Oakland, Polo Road, Polo Bazar, Jail Road, Sadar Police Station, Quinton Road, Thana Road, Police Bazar, Umsohsun, Mawkhar, Wahingdoh, Keating Road, Lady Keane area, Forest Colony, Lawmali, Polo Hills, Pynthorumkhrah, Shyiap wa Langkyrding.

Kamtæ da kyrpaad ya ki bru na kini ki thaw kiwa da yaleh Aadhaar Card, emkaam wow wan thooh ki ya ki Aadhaar Card yong ki na Shillong GPO.

Advertisement ad1

0 Comments

Leave a Reply