Ampati: Ka District Unit ka SSA wa ka National Institute for the Empowerment of Persons with Intellectual Disabilities (NIEPID) da pynman ki da ka yalang wa kyrpang yow chem ya ki bru wa duna hei pyrkhat pyrdaiñ ha Mother’s Union SSA School wa em ha South West Garo Hills.
I thmu ini toh wow ye u yarap ya ki deiwa saam cha ki da ki tiar ki tar wa yarap ya ki wow tip ki u puræ, yow yarap ya i jabieñ kamjooh i doh i pran yong ki. Wei ya kini ki tiar wa tip kam ki Teaching Learning Materials da e mynkna cha ki da ka sorkar.
Ka Dr. Amrita Sahai, Assistant Professor Rehabilitative Psychology i/c Delhi Regional Centre da ong ko wa kani ka yalang wa kyrpang toh yow chem kamjooh yow tip ya kiwa duna hei bor pyrkhat pyrdaiñ yow ye u yarap ya ki deiwa saam ya ki kot ki sla ki tiar kyndehke kiwa da chna kyrpang ki wow yarap ya ki liang wa nang wei kini chong dor ki T. 8,000 uwi u bru.
Kiwi ki dkhot ka NIEPID wa da emlang kynthup ki ya u R.C. Nitnawara, Physiotherapist, Kolkatta Regional Centre, Sreenivasadu, Lecturer, Vocational Counseling & Employment, Secundarabad, wa u T. Vikash, Administrator.
Da em leh ka Extra Assistant Commissioner and District Mission Coordinator, Dimse A Sangma wa ka District Social Welfare Officer ka Linda J Sangma.
Discussion about this post