Jowai: Haka 20 tarik uni u bnai ka BJP Nongkrem Mandal da pynman ko ya ka yalang kiwa kitkaam kamjooh leh ka yalang pynche hajrong ki laad wow pynmyntoi naka sorkar cha ki warep kamjooh kiwi ki scheme wa da pyllait da ka sorkar pyrdi neibynta ki manbei, ki khynroo wa kiwi kiwi.
Ha kani ka sngi u kongsan toh u Egenstar Kurkalang uwa man leh kam u President ka BJYM Meghalaya, hei emlang u Babul Suting President ka BJP East Khasi Hills uwa da pynche ya ki scheme sorkar kamjooh na u Lalamphrang Mylliemngap wa u Marbad Kharbangar wei da pyllai ya ka yalang da u Aistar Kharumnuid katwa i klam e khublei da yoh na ka Gosparly Marngar kawa man kam ka President BJP Nongkrem Mandal wei ya kani ka yalang da pynman ha Dorbar Liewlong Pomlakrai.
Kamwa 200 ngut kiwa kreh na ka thaiñ Pomlakrai da chim ki ya ka rai wow kreh chitom wow pynjop em burom ya u Egenstar Kurkalang haka Election MLA 2018 wow man u kam u MLA na Nongkrem Constituency.
Hei klam u Egenstar da ong u wa kam u khynroo uwa da maad yei eh wei chah pynchoi wa ha rukom hawa thooh yarap u neibynta ki paidbah wa dooh, ki nongkyndong, ki warep, ki khynnah puræ, ki khynroo khyllood wa ym em yoh khih, wa kiwi kiwi da leh chilliang khmat heiwa boon da yoh du kiwa em hei bor.
Kamtæ ha kani ka kynti lada pynjop, oo daw man u kam u chrot ki khynroo khyllod, ki manbei, ki warep, wa kiwi kiwi deiwa kular wow pynwiar pyndam ya ka kaam baam-tooh hapoh ka jylla.
Discussion about this post