15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Maham u Dr. Mukul ya ki Contractor kiwa pynkreh da ki baar jylla

0 Comments

Tura: U Montri Rangbah ka jylla u Dr. Mukul Sangma da ong u wa boon ki kaam wa pynkreh ka sorkar kam ki sarok, ki yung skur, ki yingkieñ wa kiwi kiwi chong hei pliah ki Contractor u kreh wei wow pyndep heipor kamtæ ka sorkar da chimkhia ko ya ini yei ye u wanrah ya ki kaam pynroi kamwa angnood ki paidbah.

Ya ini u Dr. Mukul da ong u ha ka yalang wa tip kam ka “Day Long Contractor’s Capacity Building & Business Diversion Workshop” kawa pynman ynne ka sngi neibynta ki Contractor wow yarap ya ki u pynbniah yei rukom kreh ki katkam ka pyrthai wa katni.

Advertisement ad1

Ya kani ka esikai da pynman da ka MIDFC hei ya krehlang wa ki bor District deilang waka IBDLP, West Garo Hills.

U Mukul da ong u leh wa boon ki Contractor hapoh ka jylla toh kiwa dang sdang kamtæ emkaam ki ya i chdooh kti ka sorkar yow lait ki u dooh mynsien wei kani ka esikai ya ki toh wow yarap kammon wow kreh ki da ki kyrdan wa yahap wei kreh kamjooh leh ya ki wakreh wa ki.

Chooh chooh da ong u wa duna ki bru hapoh ka jylla wa kreh ha ki kaam chna yung, chna sarok wei da pynchlur ya ki tnat sorkar wa pynkreh ya ki Contract sorkar wow pyntikna wa ki bru wa kreh toh kiwa na ki chong ki thaw wa pynkreh ya ki kaam sorkar yow lait u li thooh na baar jylla.

Da ban joor u leh yeiwa emkaam u pynbor ya ki Contractor wow booh ki ya ka Register wa kreh heiwa toh u man ki ki tre chong wei lada ym leh ki kamtæ ym yoh kreh de ki na ka sorkar.

Da khang u leh ya ki Contractor wow e ya i kreh yong ki cha kiwi yow lait wow mih ki khubor yei kreh khaler ya ki kaam sorkar. Da kyntu u leh ya ki Contractor wa ya kiwa kreh yong ki leh toh u esikai ya ki wow man ki kam kiwa kreh ka Andhra Pradesh kiwa da yoh kreh ha kylleiñ ka pyrthai.

Ha kani ka sngi ki Contractor da yoh sikai ki chaphang ka Meghalaya Building & Other Construction Workers Welfare Scheme waka Goods & Services Tax (GST) da ki wa kreh ka tnat Labour, Taxation katwa ka tnat PWD waka PHE da pynman ki jar jiar ki esikai yei rukom kreh Contract.

Share this:
Previous

Da u khynroo Egenstar Kurkalang wow yakhun na ka BJP ha Nongkrem

Next

Hadien wa chah tooh ka phone dai sarom kiwa tooh ya u tre phone deiwa booh boon jait ha Facebook wa kiwi kiwi

0 Comments

Leave a Reply