Shillong: Ka BJP Meghalaya da kam ko wa ka party Congress daw pra daw oor ko neibhah wa boon ki MLA yong ka daw yut lut ki wow psiah cha ka BJP wa cha kiwi ki party wei ini daw jia i hadien u Khonchonglad (Nov) uni u snem.
Hawa yaklam wa kiwa pathai khubor ynne ka sngi, u Vice President ka BJP Meghalaya u John Antonio Lyngdoh da ong u wa kiwa boon ki MLA ka Congress ha kani ka jylla ki dadep yaklam ki wa ki heh ka party ha Delhi wow psiah noh ki cha ka party chwa ka election wei ympu kwah u wow khana won wa katwon ngut kiwa kwah u psiah.
Da ong u wa hadien u Khonchonglad ka Congress ha kanika jylla daw pra ko phrai næ wei daw yoo yi wa yut.
Ha iwi i liang, u John Antonio da kynthah joor u yei klam Ronnie V Lyngdoh u montri ka sorkar Congress wa ka BJP lada wan ko hei bor daw pynkylla ko yei rukom thung kreh, u John Antonio da ong u wa i klam u Ronnie toh du i leh politics hi-eh wow pynbiej ya ki paidbah.
Da pyntip u wa ka BJP daw pynman ko ya ka yalang bah yong ki dkhot haki tylli ki thaw ha uni u bnai wow wan wow pynyoo yei khlan ka seiñ.
Kani ka yalang bah kawa khut ka Booth Samilan u man ko ha Jaintia Hills, ha Khasi Hills wa ha Garo Hills heiwa ki montri ka sorkar pyrdi daw em bynta ki.
Discussion about this post