Hadooh T. 6,000 klur da mang wow pynmiat ya ki ITI hapoh ka ri : Anant Kumar Hegde

Shillong: U Montri Khynnah wa pait ya ka tnat Skill Development and Entrepreneurship ka sorkar pyrdi u Anant Kumar Hegde da ong u wa ka tnat daw chna ko ya ka scheme wa thymme wow pynkhlan ya ki skur hikai ya ki jait kaam yoh khih næ ki Industrial Training Institutes (ITI) ha ka ri.

Hawa klam wa kiwa pathai khubor ynne ka sngi, u Hedge da ong u wa kani ka Scheme thymme kawa da mang hadooh T. 6000 klur wow pynmiat ya kini ki thaw esikai ha ka ri ryngkat hei yakrehlang wa ka World Bank neibhah i rukom man kini ki ITI hapoh ka ri ym man ware ki kiwa biang.

Dang ini wa dep ka sorkar pyrdi da pyndooh noh ko ya ki license yong ki 400 tylli ki ITI ha ka ri hadien wa chem wa ym biang ki katkam ki kyndon wa da booh da ka sorkar.

Da ong u hadooh katni em boon ki ITI ki wym biang wei ka sorkar kwah ko wow pynbha wow pynbiang ya ki ha man ki Block yong ka ri.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ha ini i wan uni u montri da lai pait u leh ya ka ITI kawa em ha Rynjah wei da yoh u wow yaklam wa ki khynnah kiwa puræ ha kani ka thaw esikai.

Da ong u wa ka sorkar India em ko ya ka scheme Pradhan Mantri Kaushal Programme neibynta ki khynroo khyllood wow pynbniah ki hei puræ wow seiñ khih waphær waphær.