Jowai: Ka seiñ Meghalaya People United Front (MPUF) da pynsñiaw ko yei mynsien wa khia hajrong i sih ware u sarok hapoh ka chnong Jowai khamtam ha ki artylli ki bynta kiwa em hapyrdi ka chnong Jowai.
Kawi toh kawa em hajan ka Post Office katwa kawi won ka wow lai cha Superintendent of Police (SP) Office wa cha Inspection Banglow (IB) yong ka sorkar kawa da pynman ya i yoosarom ya ka tnat wa pait ya u sarok ka Public Work Department (PWD).
“Heini mih ka phang kylli wa lada ka PWD ym ye ko wow chna pynmiat ya u sarok ha sor tæ kammon u man ki cha nongkyndnong” da ong u D. Laloo uwa man leh u president kani ka seiñ.
Da ong ka seiñ wa lada kyruiñ cha u National Highway NH44 ymboi yaklam neibhah wa da yoh u yoo ya ki kari wa chem chitom ki khamtam ha ki bynta chwa wow poi ka Ynñiawmer Weighbridge iwa sadu kajiak ya ka company GR InfraProject Ltd wow pyndep tangwa da chimpor ko dei yong snem wow pyndep.
Hei yatoh wa ini ka seiñ da kular ko leh wow booddien yeini deiwa thoh ya ka dorkhat cha ka sorkar
Discussion about this post