Jowai: Ki paidbah kiwa lai cha ka tamasa NH7 kawa man ha Lad Mukhla, West Jaiñtia Hills da e yaroh ki ya ki bor pulit pyllai kari kiwa da ye u pyllai bait yei lai i wan ki kari na kani ka thaw.
Kiwa boon da ong ki wa i rukom pyllai kari ha uni u snem phær i bar ya ki snem wa da lai wei ym em pynwit ko yei lai i wan ki paidbah wa lai luti na kani ka thaw.
Hei yatoh wa ini neiliang ki bor pulit da ong ki wa ini i pynkhreh da chimpor i hadooh 2 bnai tam yow pyllai bait pyllai ryntih ya i lai ki kari.
Katkam ka yutip wa yoh da ong wa hadooh 24,000 ngut ki bru kiwa poi cha kani ka tamasa heiwa da embynta ymdu kiwa pyllai tangwa hadooh u Ebormi Lyndoh uwa man kam u Waheh Chnong ka Mukhla, ki EC Member, u Keith Wahlang, u Raja Passah wa kiwi kiwi.
Neiliang u SP ka WJH, u R. Muthu da ong u sniawkmen u wa ki paidbah waroh ym em chem chitom ha ka lai ka wan hawa pynman ya ka NH7 wei da ye u leh ya ini leh deiwa krehlang wa ki dkhot ka chnong wei da yooluti u leh ha ki snem wow wan daw ye biang u leh ya i jooh ka wow wanrah ya i myntoi ya ki paidbah.
Da yaroh u leh ya ki dkhot ka chnong kiwa kreh chitom kiwa sniawthooh yei emkaam u man kani ka tamasa kawa lai bait kamjooh ya ki bor district.
Neiliang ki bor pulit won da yahkhmat da kini hawah kiwa pyntikna yei lai yillih ki kari kiwa kynthup ya:
Sh. C Syrti. Addl SP
Sh. P. Syiem, DSP
Ms. N. Rabha, DSP
Ins. D.H. Pde
Ins. T. J. Synrem
Ins. H.C. Dkhar
Ins. Bareh
SI. Pohchen
SI. Syngkhon
SI. A. Wahlang
SI. O. Nongtdu
SI. A. F. Binan
SI. Kyndait
SI. Stephen
SI. D.R. Sangma
SI. Siangshai
SI. T.M. Sangma
Katwa ki sahep pulit kynthai won kynthup ki ya ka:
SI. O. Tyngkan,
SI. Kharpran,
SI. Suchiang,
SI. Nongsiej
Deilang wa ki dkhot ka Home Guard chynrang wa kynthai.
Discussion about this post