Jowai: Yow pynjanai ya i rukom pynman ya kani ka Election deiwa pynboon ya kiwa thap vote ha ka Electoral Roll hapoh ka West Jaiñtia Hills District, u Deputy Commissioner (Election) da pyntip u wa daw pynman ya ka Special Drive.
Ha kani ka Special Drive daw lai ki Booth Level Officers man la ka thlu yung nadooh ka 15 hadooh 30 tarik uni u bnai.
Ki Booth Level Officer heipor wa lai ki kamni daw saam ki ya ka Form 6, Form 7, wa ka Form 8 cha kiwa chong chnong kiwa da kynjoh i rta wow thap vote.
Heijooh i por daw pyllang ya ki bru warok kiwa da kynjoh i rta wow thap vote katkam wa man ha ka 01.01.2019.
Daw pynbait leh ya i pyrtuid kiwa da rah vote chawi, kiwa da khlaad, wei kiwa bakla u thoh pyrtuid.
Discussion about this post