Jowai : Ynne ka sngi da pynman ya ka Dorbar Niamtre Ri Khad Ar Dalloi Le Phaw Syiem da ka Seiñ Raij Jowai hei yakrehlang wa ka Dorbar Chnong Niamtre Mihmyntdu ha Madan Diang Char, Mihmyntdu.
Ya kani ka Dorbar da pyllai da u Chairman ka Niamtre Committee ka Sein Raij Jowai, u ma KF Laloo wei da yoh yei ngooh i dem na u Secretary ka Niamtre Committee, Mihmyntdu u ma Shwalang Rymbai yeiwa da pynbood won sei pynhær ya ka lama da ka manbei Sli Phawa na Mihmyntdu.
Hachwa wow sdang da yoh yei kyntien pdiang burom na u Executive Member ka Niamtre Mihmyntdu u ma Sincerely Chyrmang wa i sur pdiang burom na ki Khynroo Khyllood Mihmyntdu.
Ha kani ka Dorbar da yoh yei klam na u Dipshon L. Nongbri na ka Sengkhasi Mawlai, Shillong, na u Paiem Balajied Sing Syiem, uwa man leh u Syiem ka Hima Khyrim, na u waheh chnong ka Mihmyntdu u ma Lakhon Ryngkhlem wa na u President ka Seiñraij Jowai, u ma OR Challam. Ki wa klam ha kani ka sngi da pynsniawthooh wei da kyntu ki ya waroh u bood ya ka niamtre kawa da yah na warim khnang wa u neh i rukom im yong ka jaitbru wa khian paaid ha kani ka ri wei wow pynneh pynsah ya ka riti dustur kawa kham kyrpang na waroh ki jaitbru.
Ha kani ka dorbar da pynyoo leh ya ki rukom chaad tynre kiwa ha rukom na ki khon ka Niamtre wa Seng Khasi ya kiwa da sakhi da ki hajar ngut kiwa wan na kylleiñ ka Ri Loom Jaiñtia wa na Khasi.
Hachwa wow pynkut ya kani ka dorbar da yoh yei kyntien e khublei na u Chairman Niamtre Mihmyntdu, u ma Nobert Phawa iwa da pynbood won sei pynhiar ya ka lama yong kani ka dorbar.
Waroh ki dur ki wa da e da u Kamnipaia Challam u wi na ki wa ka-it u puræ ya u WYRTA.
Discussion about this post