Jowai: Ka seiñ Jowai Traders Association (JTA) chirup i kreh lang wa ka Jowai Municipal Board, ka seiñ JSU, ki pulit waka tnat PWD ha kani ka 13 tarik u Khonchonglad da pynman ki i ya kynreh ya kiwa chnong dai rood sarok næ luti lai kjat ha Iawmusiang.
Yeini da leh hadien wa dadep u pynbna paidbah wa ki bru ymhoi de u chongdai ki harood sarok ki luti laikjat ha i bynta ka Iawmusiang, neidaw wa wanrah i yei sahkut kari wei manda lai ki paidbah ki khynnah skur ym yoh ki u lai naki ki luti laikjat næ footpath, neibhah pynwit ki ya ki paidbah wa lai wa wan.
Kamtæ neidaw wym ap wym sñiaw ki ya ka hukum wa da kyntu yaki dei langær, ha kani ka 13 tarik da lai beh li knieh ki naphang ya ki mar kiwa chongdai wei da thap hapoh kari Municipal.
Kiwa chongdai hadien wa da yoo ki yeini da ya pyllang ki yaki jhoor ki soh wa kiwi kiwi ki mar dai wei da rah da kit ki ya ki cha rood, wei manda dep kynreh kini ki seiñ kiwa chong dai da tia biang ki kamwa jooh hi.
Discussion about this post