Lehkmen ka Mon-ika Challam Crèche ya ka sngi wa kyrpang ki khynnah ynne ka sngi

Jowai: Ka Mon-ika Challam Crèche wa em ha Loomiongkjam, Jowai ynne ka sngi da lehkmen ko ya ka sngi ki khynnah namo ka Children’s Day kawa man leh kam ka sngikha u Montri Rangbahdooh wa nyngkong ka ri India u Jawaharlal Nehru.

Ka Mon-ika Challam kawa sdang ya kani ka Crèche da khana ko wa sdang ko ya kani ka Crèche ha u 2005 ha Dulong Poh-Hali.

Da ong ko wa da sdang ko ya ini i jait khih neibhah wa ka em ko i mynsien wa kwah ko u sumaar sukher ya ki khynnah wei haka da sñiaw ko wa ki khynnah wa wan heini man ki kam ki khon yong ka hi.

Nyngkong da sdang ko deiwa pait ya ki 5 ngut ki khynnah wei wer pa wer da pait ko rap boon ki khynnah wei da booh bru wa kreh ko hanlada i nong waka tulop man i iwa khian.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Dei joo umkhmat da kynmoo yoo ko ya kiwa boon ki moochynthut wa chem ko heiwa nyngkong tang ki palong pynthiah khynnah leh ym em wei da soor ko da ki that wow pynman kam ki tusok wei ym em u yoh yarap poisa ko wow sdang ya ini waroh.

Da ong ko leh wa ini i kaam da chim lut ko ya i por hadooh wa da yoo kamwa da yasih wa ki lok ki jor wa kiwa jan yung jan sem.

Chooh chooh da ong ko wa nadooh wa sdang ko ya ka Crèche da kwah ko u pynman ya ka lehkmen Children’s Day tangwa ym jooh yoh laad ko wei ha uni u snem da ye u pynman sakhiat ya ini.

Kam chibynta i lehkmen da ah ya u Cake da ki khynnah da e present leh cha kamwa 25 ngut ki khynnah wa ri wa lum kani ka Crèche wei da pynbood saka dih cha sñiawbha.

Ha kani ka sngi da yoh leh ya i ngooh blai na u Kamnipaia Challam.