Kular ka LJP wow e kreh ya ki dkhot yong ka

Jowai: Ka Lok Janshakti Party (LJP) da pynbna ko wa u yarap ko ya ki khynroo khyllood ki wym em kreh deiwa man ko kam ka Placement Agency heiwa kiwa kwah kreh ye ki u wan booh ya ki kot ki sla ha yungkrehkaam ka Party wei ka wow thooh kreh ya ki.

Ki kyndon toh kiwa thooh kreh toh u man ki kam ki dkhot ka Party wei kiwa kwah kreh ye u man ki kiwa da biang ka puræ puthi kamjooh ki wym biang ya ka puræ puthi.

Ye ki u wan thooh kreh deiwa thoh ha ka kot sada deiwa pyntip cha phang yong ki (Bio Data/Resume) deilang wa iwi i dur.

Kiwa thooh kreh haap yang ki 3 bnai wei la ka LJP poi ko hei bor ha u snem 2018 da kular ko wow chimkhia ya kiwa thooh kreh lyngba ka Party.

Related posts

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Ym pynyieñ kyrtong MDC ka KHNAM na JHADC

November 28, 2024

Kiwa thooh kreh ye ki leh u email ha [email protected] wei kiwa kwah u psiah kam ki dkhot ye ki u lai ha ka website www.ljpmeghalaya.co.in

Ka LJP da pyntip ko leh wa da dawa ko na ka sorkar India wow pynpsiah ya ka ktien Khasi, Jaiñtia wa Garo ha ka 8^th Schedule ka Constitution ka ri wei hei yatoh wa ini daw yachem ko wa u lat ka jylla.

Hei yatoh wa i khang ka NGT yei khih mooyong, ka LJP da ong ko wa ka sñiawthooh ko wa ka NGT ym em khang ko yei tih mooyong wei i kwah ka NGT toh du wow tih ya u mooyong katkam ka juk wa katni ka wym ktah ya ka rymaw.

Ka seiñ da ong ko wa sñiawthooh ko wa syad ki tiar ki kor u thied yow kreh katkam ka juk wa katni wei lada poi ko ha i bor daw yarap poisa ko wow thied yow pyn im biang ya kani ka khih.