Jowai: Ka yalehke 3rd Division ka WJDSA ynne ka sngi da pynman hapyrdi ka Raiki waka Thadbamon heiwa ka Raiki da jop ko da 1-0.
Ya ka kool ka Raiki da thap da u Daiohbor Shullai ha ka minit wa 33.
Ha ka Super Division won ka Chutwakhu da pynrem ko ya ka Demthring da 2-0. Ya ki kool da thap u Kyrmenlang Shylla ha ka minit wa 26 wa u Mayalang Lanong ha ka minit wa 90+3.
Da ini i rem ka Demthring da pynhiar kyrdan ya ka cha ka 1st Division.
Mynstep ka 24 tarik daw em 2 tylli ki yalehke 3rd Division heiwa heipor 12 waje pyrdi sngi, ka Kh. Myntdu Neninshnong SC u yachem ko waka Caroline SC, heipor 2 waje won ka Catholic Y.M. SC u yachem ko waka Sailung Ialong SC.
Discussion about this post