Kwah ka MeDUNet da i takit wa laitlooid hei yatoh wa i chah pynbaad ka VHAM

Shillong: Ka seiñ Meghalaya Drug Users’ Network (MeDUNet) da dawa ko wa ka Sorkar toh u thung ko da ka takit kawa laitlooid hajrong i chah pynbaad ka Voluntary Health Association of Meghalaya (VHAM) wa baamtooh ko ya ka poisa na ki ar tylli ki thaw sumaar ya kiwa ngat hei dih drugs wa em ha Jowai wa ha Lad Rymbai ka Jaiñtia Hills.

U Secretary ka MeDUNet, u Apborlang Thangkhiew hawa yaklam wa kiwa pathai khubor ynne ka sngi, da ong u wa hei sakhiat ka MeDUNet ym em pyrchah ko ya ka takit hei yatoh wa i rukom krehkaam ka VHAM, tangwa da yasait u ya ka VHAM deiwa ong wa pyrchah ki yei rukom takit heiwa da pynbaad u wa man ka takit kawa yahchah chilliang wei da pynbor hi-eh ya ki dkhot ka Fact Finding Team (FFT) na ka NETSU.

Ka Fact Finding Team kawa da pynman ya ka takit da chem ko wa da pynemkaam baakla ko hadooh kamwa T. 39 lak tam da ka VHAM hei yatoh wei thied dawai, thyrnia wa kiwi kiwi ki kaam wa yatoh wa i sumaar ya kiwa ngat hei dih drugs ha Lad Rymbai wa ha Jowai.

Ka Meghalaya AIDS Control Society (MACS) da pynkut hi-eh ko yei krehkaam kini ki ar tylli ki thaw hadien wa chem ka Fact Finding Team yei pynemkaam bakla ya kani ka poisa hapoh kini ki ar snem chiteiñ.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kini ki ar tylli ki thaw ka VHAM u pyndam noh nadooh ka 1 Kmaichonglad (December) 2017, wei ka MACS da ekti noh ko cha ka Mihmyntdu Community Social Welfare Association (MCSWA) neibynta wow chakri ya kiwa ngat ha i dih drugs.