Shillong: Ka seiñ kiwa kreh ka MeECL wa tip kam ka MeECL Progressive Workers Union, wa kynthup ya kiwa kreh Casual ha waroh ka jylla ynne ka sngi da rai ki wow dam noh u ki u kreh iwa khlem booh por nadooh ka 12 tarik u Kmaichonglad (December) lada ka Cooperation ym khut ko ya ki wow yaklam heiyatoh wa kiwa boon ki dawa yong ki.
Ya kani ka rai da chim da ka Executive Committee ka Union, ha khmat ka yungkrehkaam ka MeECL wa em ha Lumjingshai. Ka Union leh da pynman ko ya ka chong kylleiñ myngor ha khmat ka thaw psiah kani ka Office heiwa da ki spah ngut kiwa kreh Casual da wan chimbynta ki.
U dkhot ka Union u Mantiphrang Lyngdoh Kiri da ong u, “I da sdang i wow yakhih nadooh ynne ka sngi wei ka yahih u pteiñ ko deiwa dam noh u kreh nadooh ka 12 tarik u Kmaichonglad hanlada man ko ka sngi chuti leh katwa kiwa kreh hapoh ki Control Room u sdang ki ha ka sngi wow bood.”
Da pyntip u leh wa ki dawa toh wow pyllait ya ka tulop wa sah (Arrears) nadooh u snem 2015, ka Provident Found, ESI, Gratuity Leave wa kiwi kiwi.
Discussion about this post