Pynbaad ki manbei wa thung kreh u Sanbor Shullai ya u pyrsa u uwa man leh u MDC ka KHADC kam u Peon ha Assembly

Shillong: Ki arngut ki manbei ka Laban da pynbaad ki wa u MLA ka Laban, u Sanbor Shullai wa da thung kreh u hadooh 5 ngut kiwa ha yung u ha Assembly wa kynthup ya u MDC ka laban kam u Peon hadooh katni.

Hawa yaklam wa kiwa pathai khubor, ka Victoria Marbaniang wa ka Disiona Passah ha i paan pynche ki da ong ki wa ki toh kiwa dooh na kiwa dooh, wei lada u Sanbor pyrkhat u ya kiwa dooh i leh wa thap kreh u du ya kiwa hayung u heiwa ka Laban em ko boon ki khynroo khyllood na ki manyung wa dooh kiwa da biang i puræ puthi kiwa chong khlem kreh.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Da ong ki wa katkam ka RTI wa da yoh ha ka 24 tarik u Naikhynde 2017, uni u MLA da thap kreh u ya kiwa hayung u kiwa da dap da biang chwa wa kynthup ya 3 ngut ki khon yong oo, u M. Rabon ha ka kyrdan Jr. Watch and Ward, ka Venessa Rabon ha ka kyrdan PA yong u Lamphang, ka Evangeline Rabon ha ka kyrdan Reviser, ki ar ngut ki pyrsa u kiwa kynthup ya u Wansalan Shullia ha ka kyrdan Assistant Librarian wa u Ricky Shullai uwa man leh kam u MDC ka KHADC hei kyrdan Peon.

Ha iwi i liang kini ki manbei da ong ki wa i ong u MLA wa ki toh ki bru kiwa dooh wa duk kiwa chim ya ka Scheme saam tiar, da ong ki wa u Sanbor da wan paan u ya ki EPIC na ki wow yoh ya ki scheme, wei ini i pynbaad da dai sai sarom ko ya ki neibhah ki toh kiwa kreh kaam chnong.