Pteiñ i kulmar ha Ladrymbai Dongwah mih sa ka FIR pyrchah ya u Waheh Chong wa ki 15 ngut

Jowai: U Wansymper Biam uwa chong wa sah ha Ladrymbai Dongwah da ujor FIR u pyrchah ya u Shanbor Suja,Waheh Chnong ka Ladrymbai Dongwah wa ya ka Gracebidel Rymbai kawa na Ladrymbai Dongwah wa ya ki lok chynrang ki ki wym tipmit wa da wan ki hapoh kawi ka kari wei da maham tynyap ki ya u Biam wei da maham ki leh ya kiwi kiwa chong chnong ha ka 27 tarik uni u bnai heipor 10 waje i step.

Katkam ka FIR da ong wa kini ki bru da rah ki wa ki tiar pynmynsoo wei da em ki kamwa 15 ngut.

Kini ki 15 ngut da pynbor ki wow pynman ya ka dorbar wei u Biam da kyntai u ya ini wei ha ini i por u Sanbor Suja waka Gracebidel Rymbai wa ki lok yong ki da sdang ki wow maham dat maham tynyap ya u Biam deiwa klam ki ya ki ktien wa sñiaw chyrkhei hadooh wa da syir mynsien u.

U Biam da ong u leh wa da booh ko hei ma ya oo hei lai i wan kamjooh ya kiwa ha yung ha sem u hadooh wa ym nood de u wow lai u wan neibynta ki kaam yong oo neibhah kiwa maham ya oo ye ki u tynyap ya oo wa kiwa ha yung yong oo.