15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Sait khooid u Sanbor Shullai ya waroh i chah pynbaad u

0 Comments
Advertisement ad1
Advertisement ad1

Shillong: Hajrong i pynbaad yong ki ar ngut ki manbei ya u MLA ka South Shillong u Sanbor Shullai wa thung kreh u ya ki 5 ngut kiwa ha yung u, u Sanbor Shullai da kylli wa ileh ym wanrah da ka aiñ wym chah ya ki khon kiwa mihkhmat wa kynthup ya ki MLA, MP wa ki MDC wym ye de ki u yaleh kaam sorkar.

Da ong u kam uwa mihkhmat man ko ka kaamram yong oo wow yarap ya ki paidbah wei ym man ko ka pap wow kyrpaad wow yoh kreh wei chong ko haka Committee wow bichaar ya kiwa emhok wow yoh kreh.

Advertisement ad1
Advertisement ad1

Da ong wa ym du ya kiwa ha yung ha sem wa da yarap u wei da yarap lut u ya waroh ki bru kiwa emkaam nadooh i por wa ym em u ha ka kaam saiñ pyrthai nadooh u snem 1985.

Hei yatoh wa pynyieñ u ya u mot yong u Baskar Chaudhury (MDC warim ka thaiñ) da ong u wa ini ymtoh i thmu wow wanrah ya i sñiaw yaphær yumut hapyrdi ki jaitbru hapoh ka Constituency, neibhah katkam wa ong kiwa pynbaad wa ini toh wa leh u MLA wa kwah Vote dkhar donhi u.

Da ong u leh waka poisa wow leh ya ini toh wa pynmih kiwa ha yung ha sem yong u Chaudhary.

Hei yatoh waka manbei ka Victoria Marbaniang, kawi na ki manbei wa pynmih khubor yei thung kreh u, da ong u wa paan poisa ko na oo na ki por cha ki por wei hadien wa ym chaniah de u ya ka wei da e u da ka Cheque wei da booh u leh ya ka Xerox copy heipor wa paan poisa ko T. 5000 deiwa kular wow  pynuiñ biang ya kani hapoh chi bnai, tangwa da wan paan biang ko sa T. 10, 000 neibynta i khyndaw bilat wei hadooh katni leh ym em de pynuiñ ko ya ka poisa.

Hei yatoh won waka Siloda Passah da ong u wa ka man ko leh kam ka Vice Chairman yong ka State Government Programme Implementation and Monitoring Committee, wei da thung ya ka ym toh wa ood poisa ko wow pyndep chna yung neibhah ka yoh tulop ko T. 30, 000 chi bnai.

Share this:
Previous

Pteiñ i kulmar ha Ladrymbai Dongwah mih sa ka FIR pyrchah ya u Waheh Chong wa ki 15 ngut

Next

Khlaad 4 ngut ha i tyrrah kari ha Umtyra, EJH