Jowai: U Deputy Commissioner (Supply), West Jaiñtia Hills District, Jowai da pyntip paidbah u wa waroh kiwa dai rachon (Fair Price Shop Dealer) wa ki dealer phniang charak (S.K Oil Retailers) kiwa da thung neibynta u snem 2017 u kot noh ko ha ka 31.12.2017, kamtæ da khut tyrwa ya kiwon kiwon kiwa kwah wow man kam ki Dealer neibynta u snem 2018 na kiwon kiwon ki bru samen, kiwa kreh monsñiawbha namo ki Co-operative Society.
Ya ki Fair Price Shop Dealer wa ki S.K Oil Retailer toh u chah jied ki ha ka Dorbar Chnong wei emkaam wow pynsakhiat da u Waheh Chnong wa u Secretary chnong.
Kiwa thap pyrtuid toh u man ki kiwa tip u thoh u taar, kiwa tip wow kyntu pyrtuid ha ka Sale Register wei kiwa tip u kheiñsap ha ka Stock Register.
Ya ki application toh u biah wa ka Court Fee Stamp kawa T. 25 rynkat wa ki Xerox Copy yong ka Residential Certificate, EPIC, Bank Account (Passbook) 2 (ar) tylli ki dur Passport Size ryngkat wa ka pyrtuid yong ki dkhot ka Vigilance Committee.
Ya ki Application Form ye u yoh na ka yungkrehkaam u Deputy Commissioner (Supply) wei toh u pynpoi chwa namo ha ka 15.12.2017.
Ki Dorbar Chnong toh u kitkhia ki wow tyrwa (Recommend) ya ki Application cha kiwa tip u thoh u taar wei ymchah ya kiwa kreh sorkar næ ki Company ki u man kam ka F.P.S næ S.K Oil Dealer.
Discussion about this post