Em ki MLA ki wow psiah cha ka Congress: Dr. Mukul Sangma

Shillong: U Montri Rangbah ka jylla, u Dr. Mukul Sangma da kop u wa ym randien lada mih ka pynyoo bor ha ka Dorbar Tlang ka wow pynman ha ka 8, 13 wa 14 tarik u Kmaichonglaad (December).

Ini i ong u Dr. Mukul toh hajrong wa mih khubor wa ka NPP daw wanrah ya ka No Confidenc Motion pyrchah ya ka sorkar ha ka dorbar wow wan.

“Ini dadep jia i ha u snem 2013 wow pynkhih ya ka sorkar, tangwa ym ye ki,” da ong u Dr. Mukul.

Da ong u wa boon sieñ pyrchang ki wow pynkhih ya ka sorkar, wei la katwon sien da wanrah ya ka No Confidence Motion, wei da ong u wa da wanrah ya kani wa toh neidaw ki ym emkaam de ki da kiwi wow leh wei ka sorkar u leh ko ya ka kaamram yong ka.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Dr. Mukul da kaam u leh wa em ki MLA samen ki wow psiah cha ka party Congress wa kynthup ya 4 ngut na Garo Hills, 1 na Khasi Hills wa kattu katni ngut ki bru saiñpyrthai na ri-loom Jaiñtia wei katni ka Party da em ko ha ka yaklam wow bichaar ya kini ki MLA kiwa kwah wow psiah cha ka party.

Da ong u leh wa ka Party da pynkhreh ko wow kylliang ya ki MLA kiwa thmu wow mih na ka Party.

Ha iwi tawon i liang da ong u wa da pynslem ya ka dorbar tlang toh yow pait kiwon ki MLA wa nood wow ieh ya ka kaam MLA chwa ka dorbar.

Hei yatoh won wa i rai u Dr. DD Lapang wow randien noh na ka election, u Dr. Mukul da ong u wa u Lapang ym em pynbna u wow ieh noh u na ka kaam saiñhima u ieh u du wow yaleh Election wei oo dang emkti u ha ka party kam wa yakhmat ya ka MPCC.

“Hachwa wow rai u wa ym yakhun de u ya ka Election, u Dr. Lapang da pyntip u ya nga wa ka Congress da yoh ko ya u kyrtong wow jop, wei hadien wa u Dr. Lapang da tikna u wa ka Congress daw jop ko na Nongpoh da chim u ya kani ka rai”, ong u Dr. Mukul.