Ampati: U Montri rangbah ka jylla, u Dr. Mukul Sangma ynnin ka sngi da wai u ya ka Hajong Cultural Centre & Museum wa ya ka Hajong Boy’s Hostel, Tura, ha Saptoka kawa em hapoh ka Betasing C&RD Block, South West Garo Hills.
Ha kani ka sngi da emlang u MDC ka Betasing u Nripen Koch, u DC ka South West Garo Hills u Cyril Darlong Diengdoh, u Additional Deputy Commissioner, H D B Sangma, u Superintendent of Police u Bobby W Momin, u Secretary ka Meghalaya Hajong Welfare Association u Diven Hajong, wa kiwi kiwi.
Kani ka Cultural Centre & Museum toh kawa da pynwandur da u DR Sangma kam ka rynsan ya ki paidbah wow pynyoo ya ka rukom im kamjooh ka dustur riti yong ki.
Hawa e i klam u Dr. Mukul da ong u wa katni da sdang wiar i rukom im rukom man wei long ki jaitbru neibhah wa ki bru da thooh ki yei stat wei da yaleh ki u im katkam ka juk kawa katni deiwa mylliñ yei yong rim.
Da pyntip u leh wa kani ka Museum ye u pynemkaam ya ka wow pynman ya ki esikai kam ki Workshops, Training Centre wa kiwi kiwi hei yatoh wa i rukom im ki bru wa ka dustur riti yong ki.
Hei yatoh nawon wa i chem chitom ki khynnah khamtam hei wow thooh ya ki thaw sah da ong u wa ki Hostel man ki kiwa emkaam bha wow pynwiar ya ini i eh i khoo.
Ha kani ka sngi da yoh leh yei kyntien pdiang burom na u Deputy Commissioner ka District u Cyril Darlong Diengdoh heiwa da ong u leh wa lada ka juk kawa katni ym ye ko u tip ya ka spah yong ka jaitbru yong ki man i iwa eh bha wow tia ki chaphrang.
Discussion about this post