Ampati: Ka MLA ka Mahendraganj kawa man leh kam ka Chairperson ka Meghalaya State Resource Mobilization & Employment Generation Council (MSRMEGC) ka Dikkanchi D Shira ynnin ka 5 tarik da e sñiawbha ko ya ka Cheque wa T. 1 lak cha u pa u Klingson Marak, uwa man u bru uwa duna hei bor chynna.
Ya kani ka cheque da e ha ka sngi leh warom International Day for Persons with Disabilities namo ka sngi wa kyrpang neibynta kiwa duna hei doh i pran ha ka yalang wa pynman ha Ampati.
Da ekti ko ya kani ka Cheque lyngba ka tnat Sports & Youth Affairs hei sakhi u DC ka South West Garo Hills u Cyril Darlong Diengdoh, u BDO ka Zizak C&RD Block u Reuben Momin, ka District Social Welfare Officer ka Linda J Sangma wa kiwi kiwi.
U Klingson Marak toh uwa chong chnong ka Rongsepgre hapoh ka Zizak C&RD Block, South West Garo Hills toh uwa duna hei bor chynna wei da chah jied u wow mihkhmat ya ka ri ha ka lympung yalehke Football World Cup for the Blind ka wow pynman ha uni u snem wow wan.
Katni dang chah chah hikai pynpliah u ha jylla Kerala.
Discussion about this post