Ki MLA kiwa ong u mih na ka sorkar toh kiwa pynjoor du i ktien donhi: Dr. Mukul

Shillong: Hadien kajiak sngi wa ieh kaam noh u MLA ka Raliang, u Coming One Ymbon kam u Montri ka sorkar MUA-II kawa da pynkhih ya ka sorkar ka Congress ha jylla, u Montri Rangbah, u Dr. Mukul Sangma ynne ka sngi da ong u wa lada toh sakhiat kiwa em yumut wa skem toh u ieh noh ki yei kaam kam ki MLA.

“Ileh u dam i u kmen lada ki ieh noh ki yei kaam MLA wei toh neini i daw wa da epor i ya ki tangwa ym nood ki wei ki man ki kiwa pynjoor du i ktien donhi,” da ong u Dr Mukul.

Katkam i ong u Dr. Mukul, kini ki MLA kiwa maham wow mih noh toh kiwa da chet kylla ya ki paidbah yong ki Constituency yong ki kiwa da jied ya ki wow man kam kiwa chna aiñ.

“Kini ki bru da chet kylla ki leh ya ki hajar ngut kiwa kyrchaan ya ka Congress kiwa da elaad ya ki wow chakri ki ya ki paidbah ha ka jylla kam ki MLA. Ki paidbah toh u bichaar bniah ki leh wa lada kini ki MLA da pynemkaam hok ki ya ka kabu wa yoh ki kam kiwa mihkhmat,” da ong u Mukul.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hei yatoh wa i chah pynbaad u wa man u uwi na ki montri rangbah wa baam-tooh hapoh ka ri, da ong u wa ymtoh i kaamram yong oo wow pynche hajrong ini tangwa i kaam yong oo toh wow yakhun pyrchah ya ki.

Da kop u leh wa ka Congress daw jop biang ko ha kani ka Election wow wan wei daw yoh ko hadooh kamwa 40 ngut ki MLA.

Hawa jubab won yei thmu wow pynhaap ya ka sorkar chwa ka Dorbar Tlang, u Dr. Mukul da ong u wa ieh yn leh ki katwa kwah ki neibhah wa oo kam uwa yahkhmat ya ka sorkar u leh u yei kaamram yong oo.

Hawa jubab won yeiwa pynbaad ki montri kiwa da yut na ka sorkar wa u Dr. Mukul da leh embor lut u ya ki rai ha ki tnat sorkar khlem kheiñkor ya ki montri wa toh u pait ya ki tnat; da ong u wa kam u Montri Rangbah toh i kaamram yong oo wow rai lada toh wow chim ka rai lada jhan i kaam wei manda ki montri ki tnat ym em ki hapoh ka jylla.

Da ong u wa ka sorkar ymye ko u yang ya ki montri ki wym jooh wan cha Office, da pynrap u wa i kaam ki montri toh wow em i kitkhlieh neibhah wa man ki kiwa chna aiñ, wei ymtoh kam kini ki montri kiwa ymjooh wan Office.

“Ye phi u paan da ka RTI hei yatoh wa i lai i wan ki montri nadooh kiwa nachwa; kam u Prestone Tynsong wa kiwi kiwi daw chem hadooh katwon sien lai ki cha Kolkata,” da ong u Dr. Mukul.