Wan wai u P.N. Syiem ya u Mot Dur u Woh Kiang Nangbah wa chna hei lut kamwa T. 5.5 Lak

Jowai: U P.N. Syiem CEM ka KHADC ynne ka sngi da wan wai u ya u Mot Dur sah kynmoo u Kiang Nangbah wa da kyrchaan poisa da ka KHADC.

Ya uni mot toh wa da kular u Syiem wow chna ha u snem 2014 heipor wa wan u cha Jowai ha ka sngi kynmoo warom ya ka sngi khlaad u Kiang Nangbah.

Ya uni u mot da pynwan dur u Dilip Sharma na Assam heidor wa 5 lak chiteiñ wei ya uni u mot da pynyieñ ya oo ha Poh-Ka-Blai, Loom Mooliksoo, Loompyrdi Iongpiah.

Ha ka yalang wa pynman ha yungkrehkaam ka Seiñraij Jowai, u President ka seiñ u O.R. Challam da pynkynmoo u wa ka leh pyrchah yei wan synchaar ki pharæng hapoh ri India sdang nyngkong  ko na ri-loom Khasi Jaiñtia chwa ya ka Sepoy Mutiny.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Neiliang u EMH Passah uwa man kam u Vice President ka seiñ da ong  u wa hanlada ka ri da man ko kawa laitlooid tangwa ki pood ki ang wa ym biang won ym em man sñiaw chngaaiñ ka im ka sah lada ym biang ki aiñ wow yada ya ka jaitbru.

U Antonio War, EM KHADC I/c Trade hei klam yong oo da ong wa sñiaw diaw u wa katni ym em de kiwi ki bru wa khroo pyrkhat pyrdaiñ kiwa man kam kiwa chna aiñ wow yada ya ka jaitbru wei kattu da jan dap 50 snem wa yoh jylla, ka jaitbru da tyllung ko khlem em luti wa ka thong.

U Andrew Shullai, CEM ka JHADC da ong wa i booh ya uni u mot ym toh du wow sahnaam man ko leh wow e mynsien ya kiwi kiwa lai luti na khmat yong oo khamtam ya oo wa sah pynhajan uni u mot. Da ong u leh wa daw thooh laad u leh wow pynman ya katai ka thaw kam ka Park.

U P.N. Syiem won hei klam yong oo da ong u wa lada em ha kawon ka Party ka thong toh wow yada ya ka jaitbru. Nachwa da yaleh da ki wait ki stieh wei katni ka aiñ man ko ka stieh wow yada ya ka jaitbru.

Da ong u wa nachwa ka 6th Schedule man ko ka aiñ wa khlan bha heiwa da e bor ha u Lat wow jied u kiwon ki aiñ wa ye u krehkaam hapoh u pood u ang ka 6th Schedule tangwa hadien wa yoh  jylla da pynkylla ya ini wei da e noh i bor cha u President ka ri wow leh ya ini.

Hanlada katte leh kiwa boon hi ki mukotduma wa yaleh ka KHADC pyrchah ya ka sorkar jylla da jop hi ko wa pynyoo wa dang khlan bor hi ka 6th Schedule.