Amlarem: Hei yatoh wa ka kaam uiñke suwari ka Darang Tourist Spot Society da pynbna ko wa da sdang pdiang ko ya kiwa uiñke suwari nadooh ynne ka sngi.
Da pynman ya kani ka yalang wow wai ya ka hadien wa da pynbna ya ka wow man ko kam ka Open Defecation Free(ODF) Village iwa mut wa waroh ki yung ki sem hapoh ka chnong toh kiwa da biang paikhana.
Ha kani ka sngi neiliang ka Darrang Tourism Promotion and Development Society da pynman ko ya ka yalang heiwa u MLA ka thaiñ u Stephanson Mukhim da man u kam u kongsan uwa da wai leh ya ka thaw psiah cha ka Darrang Tourist Spot.
Da pyllai ya kani ka yalang da u Thiberwell Suchen heiwa da yoh ya ki kyntien pdiang burom na u Reachingson Kongwang uwa man leh kam u Chairman kani ka Society.
Discussion about this post