15 49.0138 8.38624 1 0 4000 1 https://wyrta.com 300 0

Pynkhreh kiwa sikai SSA wow e mukotduma cha ka HC lada ym yoh tulop hapoh 20 tarik
Da maham wow kyntait ya ka Congress ha kani ka Election 2018

0 Comments
Advertisement ad1

Shillong: Kiwa sikai SSA ha ka jylla hapoh ka lama ka Meghalaya SSA School Association (MSSASA) da rai ki wow ujor da ka PIL cha ka yung kasari Meghalaya High Court lada ka sorkar ym pyllait ko ya ka tulop yong ki chwa ka 20 tarik uni u bnai.

Kini kiwa sikai da pynman ki ya i yakhih ynne ka sngi deiwa lai paidbah na madan Nongthymmai chadooh cha thaw pynyieñ kari ha Additional Secretariat wow pynman ya i chong kyllaiñ myngngor wow pynsñiaw yei pyrchah yong ki yei wym mano ka sorkar wow su ya ka tulop yong ki kawa da sahteiñ kattu la 5 bnai kawa kynthup ya ka arear wa 8 bnai.

Advertisement ad1

Hawa yaklam wa kiwa pathai khubor u president ka MSSASTA, u Aristotle Rymbai da ong u wa kani ka yakhih kiwa sikai ka SSA da man ko hadien i epor ki ya ka sorkar da kut ko khlem iwon iwon i jubab na ka sorkar.

“Da dep thoh i cha u Montri Rangbah, u Dr. Mukul Sangma wow yaklam hajrong ini, tangwa neiliang liang u Dr Mukul ym em u jubab u iwon iwon leh hei yatoh wa ini wot hadien i epor ya oo.” da ong u Rymbai.

U Rymbai da ong u wa kiwa sikai ym sangeh ki kat hadooh wow yoh ki yeiwa dawa ki wei da epor ki ya ka sorkar hapoh ka 20 tarik uni u bnai wow su ya ka tulop yong ki wei lada ym yoh ki yeiwa dawa ki daw ujor mukotduma noh ki pyrchah ya ka sorkar ha yung kasari ka Meghalaya High Court.

Kiwa sikai SSA da beiñ joor ki ya ka sorkar Congress wa da yahkhmat da u Dr. Mukul Sangma kawa da yoobeiñ ya kiwa sikai SSA ha ka jylla wei da maham ki leh wow kyntait ya ka Congress ha kani ka Election 2018.

Ynne ka sngi kiwa sikai SSA hapoh i yahkhmat ka MSSASTA da sdang i yakhih nadooh 11:00 waje i sngi hadooh 2:30 nohchariñ ka sngi.

Advertisement ad1

0 Comments

Leave a Reply